Sunnukvøldið 9. des. kl. 19.30 verður á fyrsta sinni send sendingin ”Lindin – eisini fyri grønlendingar”.

Hetta er ein sending á grønlendskum, fyri grønlendingar og um Grønland, við grønlenskum sálmum og sangum.

Vertir í sendingini eru Cecilia Poulsen (móður) og Mari í Løðuni (dóttur). Tær hava í eina tíð hugsað um henda møguleikan, og tá tær so settu seg í samband við leiðsluna í Lindini, var leyst og liðugt beinanvegin.

Sendingin fer av bakkastokki kl. 19.30 sunnukvøldið 9. des. og verður endursend fríggjadagin 14. des. kl. 17.00. Ætlanin er at hava sendingina 14. hvønn dag, men fram móti jólum verður hon send hvørja viku.

”Lindin – aamma kalaallinut” tusarnaaruk sapaatiuppat nal. 19.30 aamma marlunngorpat nal. 02.00 tallimanngorpallu nal. 17.00

Aallakaatitassiami kalaallisut oqalussaagut, kalaallinut, nunarpullu pillugu. Kalaallit erinarsuutaat tussiutaanillu tusagaqartassaagut.

Í sendingini í kvøld hoyrdu vit eitt prát við Martin Joensen. Hetta prátið var fyrstu ferð sent 17. desember 2005.

Lurta eftir sendingini

Linda Petersen var medvertur í sendingini. Hon hevði nógvan góðan tónleik við sær, eisini nýggju jólafløguna "Jól í dag".

Lurta eftir sendingini

Fyrst varð prátað við Áka Lutzen og Edvin Niclasen, sum eru í starvsvenjing í Lindini í 2 vikur.

Síðani fingu vit vitjan av Poul Færø. Poul tosaði um Móses og tornarunnin

Lurta eftir sendingini

ì fyrru hálvu av sendingini, snúði prátið seg um vikuskiftismøtini, sum vóru í Kelduni 23.-25. nov. við Hilde og Erik Bedesvaag. Prátað varð við Rannvu á Royðutoft um kvinnumøtið leygardagin, har Lydia Petersen úr Klaksvík eisini hevði eitt orð.

Síðani var Joen Magnus Rasmussen úr Leirvík, gestur. Hann arbeiðir m.a sum røktingarmaður í Søldafirði. Hann lýsti hugtakandi hirðan og seyðin og samanbar við tað kristna lívið.

Lurta eftir sendingini her

Í sendingini var frammi um tað nýggju útgávuni av danska nýggja testamentinum, sum nú eitur "Den nye aftale". Les meiri á heimasíðuni hjá Det Danske Bibelselskab.

Eisini var Johannes Ólavsson gestur í sendingini. Hann kom í gjár, sjálvur triðji, aftur av ferð í Nashville. Teir hava verið har yviri og tikið eina fløgu við Theodor Petersen upp. Vit sluppu at hoyra brot úr 4 av teimum í alt 14 sangunum, sum koma at vera á fløguni.

Lurta eftir sendingini

Vit høvdu verið á vitjan í Smiðjuni í Lítluvík, har Gullbritt Hansen og Lydia Petersen høvdu málningaframsýning.

Vit prátaðu eisini við norsku Hilde Bedesvaag, ið saman við manninum Erik kemur til Føroya á vitjan komandi vikuskifti. Hon fer at hava spennandi kvinnumøti leygardagin í Kelduni. Elsi Christiansen var á gátt og greiddi frá jólapakkum til russiskar sjómenn.

Til seinast var Óli á Grømma í útvarpsstovuni og segði okkum frá lívi og virki sínum í New Tribes Mission. www.ntm.fo

Lurta eftir sendingini her

Ringt var til Erik Bedsvaag í Noregi. erik og konan Hilde koma til Føroya seinni í vikuni at vitja Kelduna í Skalafirði. Á heimasíðuni hjá Kelduni sæst skráin fyri møtini hjá teimum.

Eisini kom Germ Hansen sum saman við konuni býr í sønderborg. tey eru heima í føroyum og vitja fyri tíðina. Germ greiddi frá arbeiðum hjá Gideon-felagsskapinum. Meiri fæst at vita á heimasíðuni hjá donsku Gideonitterne.

Lurta eftir sendinigini

Samfelagsstevna í Havn
Alexsandur Samuelsen greiddi frá samfelagsstevnuni í Havn frá 14. til 18. nov. sum Brøðrasamkoman skipar fyri.

Lesið meira um skránna her

Edith Mørkøre sýnir málningar

fram í Gallarí Oyggini á Tvøroyri
Edith vitjaði í útvarpstovuni og greiddi frá hvat hon arbeiðir við sum listamálari fulla tíð. Gallarí Oyggin er opin týsdag til sunnudag frá kl. 14.00 til kl. 18.00. Eisini skal Edith hava framsýning á Cafe Jinx í desember. Til ber at síggja nakrar av málningunum hjá Edith á myspace síðu hennara

Lovsangskvøld og ungdómsgudstænasta í Leirvík
Petur Súni Jacobsen greiddi frá tiltøkum í vikuskiftinum. Leygarkvøldið 17. nov. kl. 21.00 verður lovsangskvøld í Missiónshúsinum í Leirvík. Á skránni verður nógvur lovsangur, andakt, sangframførsla, drama, fríur vitnisburður o.s.fr.

Sunnukvøldið 18. nov. kl. 21.00 verður ungdómsgudstænasta í kirkjuni í Leirvík. Uni Næs, prestur, talar um evni “náði og fyrigeving - tann rætti vegurin at ganga”. Eisini verður drama, sangframførsla og altargongd.

Lesið meira her

Lurta eftir sendingini her

Í morgun varð ringt til M.C. Restorff, sum saman við konuni Mariann býr í Århus. M.C. greiddi millum annað frá túri, hann hevur nýliga verið saman við Skandinavisk Barnamissón í Ukraina.

Seinni í sendingini varð Andreas Jørgensen úr Danmark gestur. Hann greiddi frá sínum uppvøkstri í eini læstari kristnari røslu, og um lív og tænastu fram eftir til dagin í dag.

Lurta eftir sendingini              Sí lýsing av skeið og møtum við Lene & Andreas        

ì sendingini varð grein lisin úr Udfodringen um donsku Tinu Karinu Andersen, sum var til handils og bleiv leidd til at biðja fyri kassadamuni, sum hevði meitt sær beinið. Tá Tina hevði biðið, kundi kassadaman stíga beinið til aftur og øll pínan var horvin. Hendingin hevði við sær, at tær báðar fingu vinskap í lag.

Leivur Leivsson var aftur í dag gestur í sendingini.

Lurta eftir sendingini

Í táttinum Her og Har vórðu lisnar tvær greinar. Tann fyrra var um at Arnold Børud fylti 60 herfyri og í tí samabandinum var jubileumskonsert hildin í Filadelfia Oslo. Í endanum av konsertini fekk Arnold handaða "kongens fortjenstmedalje i gull". Hetta kom heilt óvart á bæði hann og øll tey, sum vóru til staðar. Vit spældu esini nakrar sangir hjá Arnold Børud í sendingini í morgun.

Seinna greinin var um samisku Katharinu, sum er komin at kenna sannleikan Jesus Kristus og er vorðin loyst úr New Age.

At enda fingu vit vitjan av Leivur Leivsson, sum býr niðri, men er heima og vitjar nakrar dagar.

Lurta eftir sendingini

Ringt varð til, Dánjal av Rana í Noregi í samband við Grein um William G. Sloan, ið Dánjal hevur skrivað og sum varð lisin upp í sendingini gjáramorgun. Eisini varð ringt til Zacharias Zachariasen, sum las eina grein um henda unga drongin, ið varð blivin frelstur á seinasta møtinum hjá William Sloan.

Annars var Poul Færø aftur á gátt í morgun.

Lurta eftir sendingini her

Í sendingini í morgun varð tosað við Eyðstein Borgardal. Eyðstein var fyri kortum ein túr í Íslandi í samband við YWAM  saman við øðrum. Hann greiddi frá  túrinum, sum eisini hevði til endamáls at royna at draga íslendingar til DTS í Føroyum.

Tátturin "Her og Har" var eisini á skránni. Lisin varð grein úr norska blaðnum JesusAvisa um William Gibson Sloan. Dánjal av Rana hevur skrivað greinina. Ætlanin er at fáa eitt telefonprát við Dánjal í sendingini í morgin.

Lurta eftir sendingini

Í sendingini varð grein lisin úr norska Magazinet um Joanne Rowling, sum hevur skrivað bøkurnar um Harry Potter. Í greinini verður hon siterað fyri at vátta,  at bøkurnar eru skrivaðar við eini tilvitaðari kristnari intentión.

Hildibrandur Olsen vitjaði eisini og greiddi frá Ychtus kaffi, sum verður selt við so fáum millumhandlarum sum gjørligt, og har 50% av vinninginum fer aftur sum neyðhjálp til farmleiðslulondini og sum løn til bøndurnar.

Annars varð tosa við Hildibrand um ymisk onnur viðurskifti m.a. um samleika (identitet)

Lurta eftir sendingini

Bergur Skovgaard var aftur gestur í sendingini. Bergur varð boðin til Føroya at hava møti í Kelduni í Skálafirði, men nú hann var heima kortini, vóru tað aðrar samkomur sum eisini ynsktu at fáa vitjan av honum. Bergur tosaði um møtini hesuferð og greiddi eisini frá ymiskum upplivingum hann hevur havt í samband við tænastuna niðri í Danmark.

Lurta eftir sendingini

Í sendingini varð lisin grein úr norska vikuavísini Korsets Sejer um vietnamesaran Hiep Tran. Hann kom sum 17 ára gamal til Noregs sum flótti. Har varð hann  vavdur inn í kriminalitet og situr í dag fongslaður fyri álvarsaman skottilburð í Oslo. MEN í fongslinum bað og bleiv bønhoyrdur. Í dag er lív hansara eitt ljós í myrkrinum.

Poul Færø vitjaði aftur í dag í Lindini og lutaði við okkum nakrar tankur úr 1. Pætursbrævi.

Lurta eftir sendiningini

Gestir í sendingini vóru fyrst Ann & Hans Jacob á Lava. Tey eru búðsett í Danmark, men eru heima og ferðast. Tey greiddu frá orsøkini til at tey valdu at flyta niður fyri 2 árum síðani. Tey kom í samkomuna Herning Kristen Center og hjálpir Hans Jacob til á teimum føroysku møtunum, sum Malta í Hirtshals skipar fyri.

Seinni gestur var Mary Lyngvej úr Hesti. Mary hevur verið á skúla hjá YWAM í Schweits frá januar til juni í ár. Eftir skúlan arbeiddi hon á basanum nakrar mánaðar.

Lurta eftir sendingini her

Erna Háberg og Randi & Símun Absalonsen vóru gestir. Tey hava nýliga verið á ferð í Ísrael í ferðalagi hjá Svenning av Lofti, sum taldi 40 ferðafólk. Ferðalagið luttók m.a. á stóru leyvsalahøgtíðini.

Tey trý greiddu livandi frá túrinum.

Lurta eftir sendingini her

Fyrst varð ringt til Jeffri Johannesen. hann greiddi frá túri saman við Jógvani Zachariasen í Kina. Teir báðir fingu, saman við nøkrum øðrum vesturlendingum, søgulig høvi at hitta umboð fyri undirkgrundskirkjuna í landinum. Hesi, teir báðir vóru við til at hitta, umboðaðu umleið 50 milliónir menniskju.
Seinni komu Tummas Jacobsen, Larry Randolph og Margret Olsen á gátt. Tey komu í samband við at Larry skal undirvísa um tað profetiska á heyststevnuni hjá Filadelfia nú um vikuskiftið. Enn ber til at tekna seg til heyststevnuna. Les meiri á heimasíðuni hjá Filadelfia.

Lurta eftir sendingini

Í sendingini vóru Mariann & M.C. Restorff gestir. Tey bæði flyta til Danmarkar í eina tíð. M.C. greiddi frá sínum leikluti í Lindini higartil, og at vit fara at frætta frá honum, hóast tey flyta.

Mariann greiddi hjartanemandi frá, hvussu Harrin hevði verið hjá teimum, tá sorgin fyrr í ár so ógvusliga breyt seg inn á tey.

Lurta eftir sendingini her

Í sendingini varð ein grein lisin úr donsku kristnu vikuavísini Udfordringen. Greinin var um Bess Serner Pedersen, sum í barna- og ungdómsárum dansaði ballet á Det Kongelige Teater.

Bess er í dag samskipari fyri Alfa-skeiðini í Danmark.

Hinar báðar greinarnar vóru úr vikuskiftisblaðnum hjá norsku kristnu avísini Magazinet "Velsignet Helg". Tær vóru um norsku Margrete Berg, sum var bundin av alkoholi í 25 ár. Í dag er hon bæði frelst og loyst og ferðast runt norska ríki við einum filmi, sum er bygdur á hennara egna vitnisburð.

Lurta eftir sendingini her

Í sendingini varð tosað við Helge Pahus. Helge er sóknarprestur í Karlslunde Strandkirke, sum er ein fólkakirkja, men ikki av teim heilt vanligu.

Eisini varð grein lisin úr norska blaðnum Korsets Sejer um Line, sum hevur verið í new age, astrologi og buddihsmu, men sum varð møtt av Jesusi fyri umleið einum ári síðani.

Lurta eftir sendingini her

Í sendingini varð tosað við iranan Massoud, sum býr í Danmark og leiðir samkomuna "Church of Love". Massoud segði frá, at minibussurin hjá samkomuni  var blivin vrak í summar, og at tey nú savna pening fyri ein nýggjan buss. Meiri fæst at vita um hetta á heimasíðuni mohabat.net Nyheder.

Eisini var Poul Færø gestur í sendingini.

Lurta eftir sendingini her

Í sendingini varð tosa við íslendska Sveinbjørn Gizurarson. Hann greiddi frá ætlanunum at stovan føroyska deild av altjóða felagsskapinum Gideon. Gideon er ein felagsskapur, sum tekur sær av, at býta bíbliur út til hotellir. sjúkrahús, fongsul og líknandi.

Sveinbjørn kemur, sum er professari á lærda háskúlanum í Reykjavík, fer eisini at hava eitt skeið um skapan kontra menning í Evangeliihúsinum leygarmorgunin 15. september kl. 9.30. Tilmelding ikki neyðug

Eisini hoyrdu vit áhugaverda vitnisburðin hjá Alistair Hewing. Hann vitjaði Føroyar saman við Don Hinchcliff.

Lurta eftir sendingini her

Operation Christmas Child
Kunnandi tiltak um Christmas Child verður hóskvøldi 30. august, í Lívdini á Brekku 3, omanfyri MBM bygningin. Meir fæst at vita um Operation Christmas Child á heimasíðu teirra.

Lurta eftir sendingini her

Tikið verður saman um Fjarðafestivalin
Í sendingini, sendu vit prát frá festivalinum. Prátað varð við: Martin Mohr í Grund, Dan Leivsson úr Direct Level, Credo, Charizma, Arna Zachariassen, Kristinu Bærentsen, Proclaim, Ulf Christiansson úr Jerusalem, Rob Beckley úr Pillar og Eyðun Jacobsen.
Lurta eftir sendingini her

Logos II - Vitjan á Tvøroyri

Hósdagin 9. aug – 12. aug. hevði Tvøroyri vitjan av trúboðaraskipinum Logos II. Práta varð við ymisk fólk við mótøkuna og umborð á skipinum. Logos II er nú í Íslandi og kom til bryggju 15. aug. kl. 14.00

Les meira um vitjanina her.

Logos II skrivstovan hevur tlf. 213021 og 213022

Lurta eftir sendingini her

Apostolsk Højskole, Kolding
Í sendingini prátaðu vit við Mischa Turner ið gongur á háskúlanum. Leinkja til heimasíðuna hjá skúlanum.

Áhugaverd tiltøk í Evangeliihúsinum
Jóhannes Ólavson greiddi okkum frá einum nýggjum og spennandi tiltakið, ið Evangeliihúsið er farið undir. Sunnukvøldið varð tað ið tey kallaðu "Talk Show" á skránni og komandi sunnukvøld verður pallboðsfundur. Tiltøkini verða hvørt sunnukvøld kl. 18.00

Lurta eftir sendingini her

Ísarelsferð 22. sept til 5. okt

Svenning av Lofti skipar fyri einum túri til Ísraels frá 22. sept til 5. okt. Nøkur pláss eru eftir til túrin. Tekning og upplýsing á tlf. 312045 og tlf. 212045.

Logos II - Vitjan á Tvøroyri

Hósdagin 9. aug – 12. aug. fær Tvøroyri vitjan av trúboðaraskipinum Logos II sum fer at leggja til bryggju og verður liggjandi har alt vikuskifti.

Nógv ymisk tiltøk verða á skránni. Skráin kann síggjast her.

Les meira um vitjanina her.

Logos II skrivstova á Tvøroyri, beint við síðuna av "Café One Way". Skrivstovan hevur tlf. 213021 og 213022

Lurta eftir sendingini her

Spennandi skeið sum kollveltir lív
Hevur tú tørv á broytingum í lívinum, so er hetta skeið sum kallast „self-awareness“ nakað fyri teg. Skeiðsleiðari er sálarfrøðingurin Pauline Skeates úr New Zealandi, sum í mong ár hevur undirvíst í RF (refocussing). Henda tilgongd – focus og refocus- er ein fleirstreingja terapeutisk tilgongd.

Málið er, at skapa rúm, so tú sum menniskja, mennist sálarliga og andaliga. Skeiðið er bæði teoretiskt og praktiskt. Grundstólparnir eru kristna siðalæran.

Skeiðið verður á Hotel Runavík 9. og 10 august 2007, kl. 9 til 17.00 . Dagurin byrjar við morgunmati kl. 8.30.

Kostnaður er kr. 1800,- Morgunmatur og døgurði er íroknað. Seinasta freist at tekna seg er 1.august. Gjaldið á konto í Noroyða sparikassa konta nr. 9865-4171130. Viðmerk Refocussing og títt navn. Tá tú hevur goldið, er tekningin fullfíggjað!

Til ber at ringja til Hildu Viderø tlf. 456785 og 216785, ella til Margit Niclasen nr. 456587 fyri at fáa meira at vita um skeiðið.

Lurta eftir sendingini her

DNA - Divine Nature from Above
Í ár eru fólk frá Oasuni, Filadelfia og Evangeliihúsinum komin saman og hava fyrireika eina ungdómslegu tann 27., 28. og 29. juli. Hetta verður ikki ein vanlig summarlega, tí henda legan er miðvíst ætlað til evangelisering.

Í sendingini prátaðu vit við Regin við Skipá sum er ein av fyrireikarunum. Meira fæst at vita um tiltakið her - eisini ber til at ringja til Regin á nummar 733740.

Lurta eftir sendingini her

PREP hjúnarbandsskeið í Kelduni
PREP er ein stytting av tí enska "Prevention and Enhancement Relationship Program", sum á føroyskum leystliga kann umsetast til "Praktiskur Reiðskapur til eitt Enn betri Parlag".

PREP-skeiðið fevnir um hesi evni: kærleiki, vónir og leiklutir, grundarlag og tey fýra vanda eyðkennini, "Time-out" reglugerðin, trygt og skipað samskifti, tala-lurta-teknikkurin, filtur, hendingar og evnir, loysn á trupulleikum, virðir og lívsáskoðan, gleði, stuttleiki og vinskapur, nærleiki og kynslív, fyrigeving og trúskapur. PREP er átrúnarliga neutralt.

Skeiði verður hildið í Kelduni, 13. & 15. og 20. & 22. september. Kostnaðurin er 950,- fyri hvørt parið, við tilfari og mati. Tilmelding á tlf. 442054, 581512 ella keldan@post.olivant.fo

Lesið meira á heimasíðuni hjá Kleduni og á Prep.dk

Lurta eftir sendingini her

Skráin fyri Summarstevnuna í Suðuroy

Hósdagur 5. juli:
kl. 13.00 bíbliuundirvísing
kl. 19.30 útimøti í Hovi
kl. 21.00 útimøti á Tvøroyri, aftaná drekkamuður, síðan sang- og vitniløta í missiónshúsinum

Fríggjadagur 6. juli:
kl. 13.00 bíbliuundirvísing
kl. 19.30 útimøti í Øravík
kl. 21.00 útimøti í Porkeri, aftaná drekkamuður, síðan sang- og vitniløta í missiónshúsinum

Leygardagur 7. juli:
kl. 15.00 familjumøti í Vesturhøll í Fámjin
kl. 19.30 útimøti í Vági, aftaná drekkamuður, síðan sang- og vitniløta í missiónshúsinum

Sunnudagur 8. juli:
kl. 12.00 gudstænasta v/altargongd í Fámjins kirkju
kl. 18.00 “syngið við”-møti í Vesturhøll í Fámjin
Innsavnan til útreiðslur av stevnuni(ískoyti)

 
Mánadagur 9. juli:
kl. 10.00 rudda og vaska
kl. 13.00 verður endað við bøn og tøkk.
Farið verður av Krambatanga við "Smyrli" kl. 15.30, eru á Havnini um kl. 17.30.

Mercy Ships
Í sendingini greidd Jóhan Petur Johannesen frá arbeiðinum umborð á Anastasis og um Mercyships. Les meira um Mercy Ships og hvønn møguleika tú hevur at stuðla arbeiðinum. Eisini ber til at venda sær til Vinjard Magnussen, sum er umboðsmaður í Føroyum, við at skriva til vingmagnussen(at)yahoo.com.

Lurta eftir sendingini her

Hjálp jødunum heim!
Er nýggjur felagskapur í Føroyum, sum samstarvar við viðurkenda ísraelska felagsskapin "Keran Hayesod". "Keran Hayesod" hevur til endamáls at savna inn pening til at hjálpa jødunum heim til land sítt, Ísrael. Lesi meira her.

Til ber at stuðla, við at flyta eina gávu á konta hjá "Hjálp jødunum heim" í peningastovnunum.

Føroya Banki: 6460 173 561 8

Eik: 9181 153 329 2

Suðuroyar Spk: 9870 102 507 5

Norðoyar spk: 9865 103 598 8

Postgiro: 9909 020 680 6

Felagsskapurin hevur tørv á hjálparfólki og tú kanst seta teg í samband við felagsskapin, á danjal(at)travel.fo , um tú ert áhugaður.

Marni og Barbara av Kák Joensen
Eru trúboðara við Youth With A Mission í Orlando, Florida. Fái meira at vita um tey á heimasíðu teirra.

Lurta eftir sendingini her

Gestir vórðu Hjalmar Hansen sum er aðalskrivari í Bláa Krossi. Vit prátaðu við Anju Nielsen sum er trúboðari á Filipsoyggjunum við New Tribes Mission. Eisini varð Sólbjørn Jensen gestur, sum saman við konu síni Margit, røkir starvið sum fyristøðufólk í Nesvík.

Lurta eftir sendingini her

Vaktir og Festival prestar á G!
Aftur í ár hava fyrireikararnir av G! festivalinum, sum verður 19.- 21. juli, heitt á Filadelfia samkomuna í Havn at hjálpa til á festivalinum. Um tú ynskir at vera vaktur, ert tú vælkomin at kontakta Vagn í Geil á tlf. 318626 ella á mail vg(at)post.olivant.fo fyri at frætta nærri um treytirnar.
Eisini hevur tú møguleikan at gerast Festival prestur, tú vælkomin at kontakta Sam Jakobsen á tlf. 211861 ella á mail sj(at)nema.fo fyri at frætta nærri.
Til ber at lesa meira á heimasíðuni hjá Filadelfia

Natasha Bedingfield á G!
G! festivalurin hevur almanna kunngjørt, at Natasha Bedingfield kemur at framføra á festivalinum í ár. Lesið meira um Natasha Bedingfield, m.a. um hennara virksemi í Hillsongs London.

Systir Briege Mckenna og Faðir Kevin Scallon í Føroyum
Bæði eru kend um allan heim fyri teirra grøðingar arbeiði. Í fylgi við teimum verður Faðir Benny Blumensaat úr Danmark. Lesið meira um tey bæði á Katolsk.fo - eisini er skráin yvir møtini at finna á heimasíðuni.

Lurta eftir sendingini her

Familjudagur í Filadelfia
Familjudagurin sunnudagin, byrjar við møtið kl. 10.45. Grilling og aðrir spennandi aktivitetir verða á skránni aftaná møtið.

Legurnar á Zarepta
Yvirlit yvir legur o.a. upplýsingar, eru at finna her

Lurta eftir sendingini her

Spennandi starv hjá Bláa Krossi
Blái Krossur Føroya søkir eftir starvsfólki, at arbeiða við tiltøkum og verkætlanum innan rúsdrekka- og rúsevna fyribyrging at byrja 1. august 2007 ella eftir avtalu. Seinasta freist at søkja starvið er í dag, mánadagin 18. juni. Lesi um starvið her

Teen Street
Teen Street manglar fleiri bólkaleiðarar til leguna í Týsklandi í summar. Hevur tú møguleikan og er áhugaður at verða bólkaleiðari, hjá 7 føroyingum á TeenStreet, so kanst tú ringja til Ruth og Thorvlad Gaardlykke á tlf nummar 319191 ella 519191. Lesið meira um Teen Street og OM á heimasíðu teirra.

Summarlegur hjá Heimamissiónini
Til ber at síggja yvirlit yvir legurnar og at melda tykkum til her

Pillar á Fjarðafestivalin
Nú Brian Littrell hevur meldað avboð, koma vælkendu og vælumtóktu Pillar at rokka á Fjarðafestivalinum. Til ber at keypa atgongumerkju í øllum Kall handlum og á kunningarstovuni í Runavík, kostnaðurin er kr. 590,-.

Lurta eftir sendingini her

Samkoman - innlit í samkomu Kristusar og samkomulív í 21. øld

Nýggj bók sum Jógvan Zachariassen hevur skriva er komin út.

Les meira um bókina her.

Stór møtir í Samljóð í Skopun 15.-17. juni

Fríggjakvøldið 15. juni kl. 19.00 - Sangmøti v/ Oddbjørg Poulsen - Betania kórið - Gerhard og Sámal Hanni - Rúni, Heidi og Ragnheiður - Jógvan William, Símun - Martin og Sámal Hanni - Gunhild og Niclas - Hallmar og Hedvig - Oasubrøðurnir - Krista og Sámal Hanni, Bárður Tindsgarð - Herman og Gigga - Eclesia - Fríðgerð og Jóhan Petur

Leygarkvøldið 16. juni kl. 18.00 - Evangeliskt møti v/ Tormund og vinfólk

Sunnumorgun 17. juni kl. 11.00 - Morgunmøti í Betania, Palli Højgaard talar

Sunnukvøldið 17. juni kl. 18.00 - Evangeliskt møti v/ Tormund og vinfólk

Eystanstevna í Runavík 12.-19. juni

Gospelkonsert fríggjakvøldið 15. juni kl. 21.00 í Ítróttarhøllini í Runavík. Luttøka av: Heina Lutzen, Eyðun Jacobsen, Tobba og Bill, Beintu Olsen. Atgongumerki fáast við dyrnar á 100,- kr.

Skráin kann síggjast her

Lurta eftir sendingini her

Í sendingini vóru Josa & Steve Dulwich gestir. Josa er úr Havn og hevur verið gift við Steven úr Bretlandi í skjótt 27 ár. Tey búgva í Kolding og Steve virkar sum trúboðari kring heimin.

Lurta eftir sendingini her

Útimøtir á Sandi 8.-9. juni
Í samband við sandoyarstevnuna skipar heimamissiónin fyri møtum í Skálavík:

Fríggjakvøldið 8. juni, kl. 20.30 - Lovsangs- og vitnimøti í Misssiónshúsinum

Leygardagin 9. juni,  kl. 18.00 - Útimøti í Skálavík

Sunnudagin 10. juni, kl. 18.00 - Útimøti í Skálavík

Aglow Eysturoy
Møti fyri menn og kvinnur verður í Kelduni í Skálafirði fríggjakvøldið 8. juni, kl. 20.00. Heidi og Erland Tvørfoss tosa um evnið "familjan í fokus."

Boðanarskeið í missiónshúsinum á Toftum
Leygardagin 9. juni skipar Heimamissiónin fyri boðanarskeiði við Leif Andersen úr Danmark. Leif er ein sera dugnaligur undirvísari og hevur í mong ár arbeitt við evninum, hvussu vit boða gleðiboðskapin fyri nútíðarmenniskjum. Lesið meira her

Náttarravnarnir
Náttarravnarnir er ein felagsskapur av sjálvbodnum vaksnum fólki, sum um kvøldið og um náttina spáka í býnum, sum oftast leygarkvøld, tá ungfólk eru í býnum. Teirra høvuðsmál er, við at vera til staðar, at skapa tryggleika og samskifti millum ung og vaksin. Lesið meira um "Náttarravnarnir" her. Tú kanst seta teg í samband við tey á tlf. nummar 316261 ella 212498.

Lurta eftir sendingini her

Stuðulsending í Lindini leygarkvøldið 9. juni kl. 19.00

Ynskir tú at gerast stuðul í Lindini ella at hækka stuðul tín, so kanst tú ringja inn til Lindina á tlf. 321377 leygarkvøldið 9. juni frá kl. 19.00 til kl. 24.00.

Ymiskir góðir vinningar verða lutaðir burtur millum nýggjar stuðlar.

Lurta leygarkvøldið og hoyr meira.

Asfalt 8. - 9. juni í Tórsgøtu.

T.d. fara hesir bólkar at luttaka: Magni Christiansen, Heine Lützen, Martin í Grund, VOX, Petur Háberg, Proclaim og nógvir aðrir.

Les meira um asfalt á heimasíðu teirra.

Fjarðafestivalurin 23. - 25. aug.

Ymiskir bólkar fara at luttaka t.d. Brian Littrell (US), Jerusalem (SE), Charizma (SE), Proclaim (FO), Kristina Bærendsen (FO), Credo (FO), Lisa Fredriksberg (FO), Martin í Grund (FO), Braquet (FO)

Atgongumerkið kunnu keypast í Kall handlunum kring landið.

Les meira um Fjarðafestivalin her

 Lurta eftir sendingini her

Oasan í Hoyvík

Familjumøti sunnudagin 3. juni kl. 14.00. Sera spennandi tiltak fyri alla familjuna.

Fongsulsmissión í Rumenia

Thorkil Jørgensen og Hans Jacob á Lava fara at greiða frá um fongsulsmissión í Rumenia.  Teir fara at hava hesi møtir.

Hebron í Leirvík fríggjad. 1. juni kl. 21.00

Keldan í Skálafirði leygard. 2. juni kl. 21.00

Filadelfia í Miðvági sunnud. 3. juni kl. 11.00

Evangeliihúsið í Havn sunnud. 3. juni. 18.00

Gávur kunnu setast inn á Reg. 1569 konto. 0 005 323 452

Viðmerk Fængelselsmissionen. Les meira á rescue-mission.dk ella rescue.ro

Sangløta í Ebenezer mentunarnáttina, 1. juni
Les meira um sangløtuna í Ebenezer her

Tak niður skránna fyri mentunarnáttina her

Ymisk tiltøk í Klaksvík á Norðoyastevnu
KFUM & K hevur spennandi skrá á Norðoyarstevnu á kuff.fo

Solo Deo Gloria hevur útimøti í Vágstúni leygarkvøldið 2. juni kl 22.00

Getsemane hevur hesi tiltøk:

Fríggjakvøldið kl.20.30 ungdómsmøti við André Matras.

Leygardagin kl.10.00 morgunbøn

Sunnudagin kl.14.00 møti við Werner og Hannegrethu Thomassen, sunnudagsskúli er samstundis

Lurta eftir sendingini

Um tú vilt taka sendingina niður, so høgraklikka slóðina og vel "Save link as..." ella "Gem destination som..."

Fyrri gesturin í sendingini í morgun var Victor Carlsen. Spæld vóru 2 løg av nýútkomnu fløguni hjá The Carlsens. Esini var heimasíðan hjá føroyska, kristiliga bikara felagsskapinum Cross-bikers MC Føroyar umrødd.

Seinni gesturin var Páll Poulsen, sum nýliga hevur verið í London á Natinal CRE 2007 messuni.

Lurta eftir sendingini

Um tú vilt taka sendingina niður, so høgraklikka slóðina og vel "Save link as..." ella "Gem destination som..."

Í sendingini í morgun varð ringt til Victor Dánjalsson, sum sjálvur tólvti er á summarleguplássinum Ástjørn í Íslandi og ger klárt til summarlegurnar, sum byrja um hálvan juni. Tú kanst vitja heimasíðuna hjá Ástjørn ella tú kann fara beinleiðis til síðuna við upplýsingum og myndum um føroyska arbeiðið við Ástjørn.

Eisini vitjaði Edtih Johannesen sendingina og greiddi frá missiónstúrum hon hevur verið. Eisini segði hon okkum, at hon er farin at nýta fotomyndir sum frásøguhátt.

Lurta eftir sendingini

Um tú vilt taka sendingina niður, so høgraklikka slóðina og vel "Save link as..." ella "Gem destination som..."

"First Aid" - bók um hjúnarbandið

Svein Askildsen hevur verði á hjúnarbandsskeiði, hann nevndi eina bók "First Aid" sum liggur á hesi heimasíðuni 2=1. Tú kanst taka bókina niður á telduna ella lurta eftir bókini har.

Hvítusunnustevna í kollafirði 25.-28. mai

Ynskir tú tær fløgu av talum frá møtinum, kanst tú ringja til Hjørleif Gaard á tlf. 421319 og 221659.

Føroyskur tónleikur fer aftur at ljóma í Tórsgøtu á Asfalt sum verður 8. - 9. juni 2007

Konsepti verður tað sama sum seinasta ár, sum gongur uppá at gera føroyskan tónleik sjónligan og at fáa nýggjar bólkar fram, sigur Bogi Andreasen høvðuðsfyriskipari av tónleikatiltakinum Asfalt.

Les meira á www.asfalt.fo  

Portalurin 123.fo hevur ymiskt at bjóða fram t.d. upplýsing um virkir, samkomur, kirkjur o.a. Les meira á www.123.fo

Stuðulskonsertir til frama fyri toymi sum fer til Ísrael í summar, verða leygarkvøldið 19. mai kl. 19.00 og kl. 22.30. Meira verður at hoyra í sendingini "Á Bylgjulongd" fríggjamorgunin 18. mai. kl. 9.00

Les meira her

Umhvørvisvika í Tórshavnar kommunu
Hesa vikuna hevur Tórshavnar kommuna varpað ljós á umhvørvið. Skipað hevur verði fyri ymiskum tiltøkum. Nøkur tiltøk verða eisini í vikuskiftinum, so sum gongutúrar, rudding og "plantað eitt træ". Lesið meira um vikuna her.

Aglow Eysturoy
Kvøld fyri ungar gentur og kvinnur verður í Kelduni fríggjakvøldið 11. mai kl. 20.00. Mariann Jacobsen tosar um sjálvsvirði. Umboð frá felagskapinum KRIS verða eisini við. Kostnaður fyri kvøldið er kr. 50,-

Trev Gregory í Meinigheitshúsinum í Havn

Fríggjakvøldið verður ungdómsmøti kl. 20.00 við evninum "Follow the Rabbi".

Leygardagin byrjar skeið kl. 10.00. Tilmelding á tlf. 262598.

Leygarkvøldið kl. 20.00 verður bønarkonsert.

Sunnudagin talar Trev til møtið, og aftaná verður nátturði.

John og Marion Drury vitja Filadelfia, Tórshavn
Vitjanin verður frá 11. til 13. mai. John og Marion Drury eru senior-pastorar í Blue Mountains City Church í Avstralia. Leygardagin 12. mei verður undirvísing frá kl. 10.00-12.00 og frá kl. 14.00-16.30. Borðreitt verður við døgurða og kaffi millum undirvísingarnar og kostnaður er kr. 150,- pr. persón og 200 kr. fyri hjún. (Døgurðin er íroknaður.) Áheitt verður at siga frá um døgverði ynskist á filadelfia(at)filadelfia.fo ella við at ringja 314828.

Lesið meira um John og Marion Drury her

Leif og Susanne Madsen vitja í Føroyum

Leif og Susanne hava fleiri møtir kring landið í hesu vikunu. Á møtunum fara tey at greiða frá arbeiðinum við gøtubørnum í Nakuru, Kenya.

Skráin fyri møtini sær soleiðis út:

Týsdagin - 1. mai kl. 20.00 Saron í Vestmanna

Mikudagin - 2. mai kl. 20.00 Betania í Skopun

Fríggjadagin - 4. mai kl. 20.00 Missiónshúsið á Glyvrar

Leygardagin - 5. mai kl. 15.00 Aglow í Runavík (Avlýst)

Sunnudagin - 6. mai kl. 10.30 Lívsins Orð í Runavík (Avlýst)

Sunnudagin - 6. mai kl. 17.00 Keldan í Skálafirði

Mánadagin - 7. mai kl. 20.00 Filadelfia í Tórshavn

Týsdagin - 8. mai kl. 15.00 Læraraskúlin í Tórshavn

Týsdagin - 8. mai kl. 20.00 Soli Deo Gloria í Klaksvík

Mikudagin - 9. mai kl. 20.00 Filadelfia í Vágunum

Lesið meira um arbeiði teirra her

Logos, nýggja heimasíðu
Bókhandilin Logos, hevur fingið nýggja heimasíðu. Til ber nú at keypa fløgur og bøkur umvegis síðuna. Logos bókhandilin

Skeið við Steen Palmqvist
Mánakvøldið 30. apríl kl. 19.30-22.00 verður ein fyrilestur í Oasuni í Hoyvík, um evnið "Smá børn í familjuni." Hetta er fjórði av seks fyrilestrum við psyko- og familjuterapeutinum Steen Palmqvist um hjúnalag og familju. Les meira um skeiðið her

Massoud Fouroozandeh vitjar Lívdina
Massoud Fouroozandeh er fyrrverandi muslimur og býr nú í Danmark. Massoud talar á møti í samkomuni Lívdini í Hoyvík leygarkvøldið kl. 20.00 og á familjumøtinum sunnudagin kl. 10.30. Massoud.dk

Ársmøti 2007
Evnið á Ársmøtinum hjá Heimamissiónini, sum verður frá 3. – 6. mai í Nesvík, er “Við Meistarans føtur”. Á skránni eru millum annað møti, gudstænastur, orðaskifti, nógvur sangur eins og tiltøk fyri allar aldursbólkar. Skráin kann síggjast her

Hearts Ablaze
Í døgunum 17. til 19. mai verður skipað fyri einari lovsongsráðstevnu í Filadelfia í Tórshavn. Tað verða Katrine Høgenhaug og Hanne Vinsten sum undirvísa á ráðstevnuni. Les meira og melda teg til stevnuna her

Aglow møti fyri menn
Møti fyri menn verður í kvøld í Kelduni í Skálafirði kl. 20.00. Poul Færø talar um hjartans reinleika og Terje Vestergaard syngur. Kostnaður er kr. 100,-. Drekkamuður verður eftir møtið.

Blákross landsstevna í Klaksvík
Landsfundur og fyrilestrar verða í Emmaus leygardagin 21. apríl og sunnudagin 22. apríl. Lesið meira her

KuffaMos í Klaksvík
KFUM og K og Emmaus skipa fyri KuffaMos í Klaksvík í vikuskiftinum, 20. til 22. apríl. Les skránna á kuff.fo

G# á Strondum
Í ár verður G# á Strondum frá 27. til 28. apríl. Til ber at meldað seg til á heimasíðuni hjá Heimamissónini.

Grace Home Ministry í India
Hetta er ein Føroysk verkætlan í India. Talan er um at útvega pening til bygging av einum barnaheimi til 100 børn, sum framyvir eisini skal rekast av føroyingum. Raksturin skal m.a. dekka tørvin á mati, klæðum og skúlagongd.

Til ber at lata pening til verkætlanina, við at flyta pening á konto í Norðuroyar Sparikassa, konto nr.: 9865 - 103.455.8. Navnið á kontuni er: Grace Home Ministry.

Lesið meira um verkætlanina her

Fjarðafestivalurin
Tit kunnu keypa atgongumerkju til festivalin fyri kr. 490,- hesa vikuna út. Lesi meira um bólkarnar á heimasíðu teirra. Til ber at ogna sær atgongumerki, við at ringja til Fjarðafestivalin á tlf. 560565.

New Tribes Mission skipar fyri ungdómslegu á Zarepta 30. mars-1. apríl
Talari verður Paul McIllwain úr Australia. Tilber at melda seg til leguna við at ringja til Zarepta á telefon 282140. Lesið meira her

Trúboðanarstevna
Stevna verður í Ítrottarhøllini í Runavík frá 5. til 8. apríl. Tak niður faldaran omanfyri.

HMU konsert
Leygarkvøldið, 24. mars kl. 22.00, verður HMU konsert í Mentunarhúsinum í Fuglafirði. Á konsertini luttaka Proclaim, VOX og Humble Cry. Lesið meira her

Edith Mørkøre sýnir máningar fram í Snarskivuni
Snarskivan er opin mánadag til fríggjadag frá klokkan 09.00 til klokkan 16.00. Tó er opið hósdag frá klokkan 09.00 til klokkan 18.00. Lesið meira um framsýningina her. Eisini ber til at síggja nakrar av málningunum hjá Edith á myspace síðu hennara

Føroysk-Ísraelskt fagnarðarkvøld og Ísraels ferð
Fagnaðarkvøld verður í Norðurlandahúsinum tann 15. mai 2007, klokkan 19.30, í samband við at 30 ár nú eru ligin síðani Svenning av Lofti skipaði fyri sínum fyrsta túri til Ísraels. Øll eru vælkomin, tó heitir Svenning fyrst á tey, ið hava verði við honum í Ísrael um at verða við hettar kvøldið. Fyriskiparar eru "Ísraelsfelagið" og "Vinir Ísraels í Føroyum."

Svenning skipar eisini fyri ferð til Ísraels í september-oktober 2007. Tað serliga við hesu ferð er, at vitja verður um leyvsaluhøgtíðina. Meira fæst at vita um fagnaðarkvøldið og túrin, við at venda sær til Svenning á telefon 312045 ella 212045.

ABC Barnahjálpin

Í sambandi við fyrstu verkætlanina hjá ABC barnahjálp í Føroyum, sum verður í afrikanska landinum Liberia, verður skipað fyri trimum kunnandi fundum undir heitinum "Nýggj vón til eitt nýtt ættarlið."

Á fundunum luttaka Matthew Sakeuh og fleiri kendar sangrøddir.

Fundirnir verða í:

-Kelduni í Skálafirði, týskvøldið 20. mars klokkan 20.00
-Atlantis í Klaksvík, mikukvøldið 21. mars klokkan 20.00
-Á Hotel Hafnia í Havn, hóskvøldið 22. mars klokkan 20.00

Les meira um ABC barnahjálpina her

The Dixie Hummingbirds á G-festival 19-21. juli

Les meira um bólkin her

Jødisk páskamáltíð í Øravík

Sunnudagin 25. mars kl. 18.00 í Gistingarhúsinum í Øravík. Seinasta freist at tilmelda er 21. mars. hjá Katrin Mortensen, tlf. 371791 og 229471

Les meira her

Faroe Team Mission

Túrur til Íslands 25. juli - 9. aug. Tilmelding á tlf. 448342 ella alvurj(at)hotmail.com

ella les meira um túrar hjá Faroe Team mission longur niðri á hesi heimasíðuni.

Ísraelsferð, frá 1. – 13. mai 2007
Tilmeldingarfreistin er mikudagin 14. mars. Til ber at teknað seg hjá Frants Jensen, tlf. 770017. Les meira um ferðina her

Ungdómslega umborð á Norrönu varð 1-5. mars
Í alt vóru yvir 70 ung við á túrinum. Síggj myndir her

Hanus Jacobsen arbeiðir hjá Vision Norge
www.visionnorge.com

Morgunmøti í Ebenezer sunnumorgun er flutt til kl. 11.00

Les meira her

Jónhil Dunya var gestur "Á bylgjulongd" í morgun. Jónhild, sum er úr Miðvági og maðurin Samuel úr Ghana, eru trúboðarar í Ghana. Tey hava stovnað tíggjutals samkomur.

Ynskir tú at stuðlað teimum og arbeiði teirra, hava tey kontu í Føroya Banka:

6460 - 408.540.1

Heimasíður hjá hjálparfelagsskapum

Samaritans Purse

One.org

Kristent Arbeid Blant Arabere

KABA

Ísraelsferð, frá 1. – 13. mai 2007
Tilmeldingarfreistin er 14. mars. Til ber at teknað seg hjá Frants Jensen, tlf. 770017. Les meira um ferðina her

Gamalt-Nýtt
Stuðulsbúðin hjá Danmissión í Føroyum í Klaksvík, liggur á Klaksvíksvegi 70 og hevur opið: mán-frí. 13.00–17.30 og ley. 10.00-12.00. Um tú hevur hug at hjálpa í búðini, ella at lata lutir ring á tlf. 456820 ella 456116.

Andakt í Ebenezer í døgurðatímanum
Mánadagar á middegi kl. 12.30 – 12.50, er andakt í stovuni yvriav stóra sali. Les meira

Undirvísing um hjúna- og familjuviðurskifti v/ Steen Palmqvist
Undirvísingin fer fram í Kirkju- og Missiónshúsinum á Argjum, kl. 20.00 mánakvøldið, 19. februar. Meira fæst at vita um undirvísingina og komandi kvøld á heimasíðuni koma.fo.

Aglow skipar fyri undivísing um tunglyndi
Sera áhugaverd undirvísing fyri menn, verður í Kelduni í kvøld kl. 20.00.
Jenis av Rana fer at undrivísa í evninum: Tunglyndi- og leiðin út í frælsi. Poli Jacobsen fer at undirvísa um: Tíðingin av, at endurnýggja sinnið í eini tíð sum hesi. Harald saman við øðrum syngja.

Kvøldið er einans fyri menn. Kostnaður 100 kr. Drekkamuður er millum undirvísingarnar.

Fundarrøð "Orðið í sentrum"
Leiðsla Frelsunarhersins skipar fyri fundarrøð í Noregi, Íslandi og Føroyum, undir heitinum “Orðið í sentrum”.

Til Føroya er komin næstleiðarin oberstl. Erling Mæland og í hesum sambandi verður skipað fyri almennum fundum:

Í Vági Fríggjadagin 16. februar kl. 20.00
Obertsl. Erling Mæland talar

Í Havn Sunnudagin 18. februar kl. 11.00 og kl. 18.00
Obertsl. Erling Mæland talar, streingjakórið og hornorkestrið luttaka.

"Marsdagar" í Odense
3. - 4. mars verða dagar við undirvísing og felagskapið undir heitinum, "Eg var glaður, táið sagt varð við meg: Vit skulu fara í hús Harrans."

Tilmeldingarfreistin er leygardagin 17. februar. Til ber at melda seg til ella at fáa meira at vit um dagarnar, við at ringja til Árna Helmsdal, +45 65 96 13 73 ella á +45 30 25 13 73. Ella send teldupost til arnihelm(at)post.tele.dk

Her kanst tú lesa innbjóðingina til stevnuna og her sært tú myndir frá Odense degnum í fjør.

Hetta er eitt gott høvi til at fáa samband og samfelag við føroyingar, sum búgva aðrastaðni í landinum. Hetta er triðja ferðin at ein tílík stevna verður hildin. Vónandi ynskja fleiri útisetar at vera við.

OM í Føroyum

Vilt tú vita meira um OM í Føroyum, teirra virksemi og tiltøk kring heimin, leita tær á heimasíðu teirra.

Stuðla børnum kring heimin

Enn er møguleiki at lata stuðul til børn í Rumenia, Ukraine og Kenya. Far inn í peninga stovn tín og flyt pening til Lindina, viðmerkjast skal: "Børn kring heimin." Konto nummur eru at finna omanfyri.

Leinkjur, telefonnummur og tilfar úr sendingini í morgun.

Missiónsvika á Argjum

Skráin fyri restina av vikuni er at finna her

ADRA

Tú hevur møguleikan at stuðla hjálpararbeiði í Kongo. Keyp eini hús til eina flóttafólka familju fyri kr. 3.200,- Les meira her

Ungdómslega umborð á Norrönu

Heimamissiónin skipar fyri flótandi ungdómslegu fyri ung yvir 18 ár. Legan verður frá 1.-5. mars, tekningarfreistin er sunnudagin 25. februar. Les um leguna ella tekna teg her

Traktatgrunnurin
Um tú ert áhugaður í, at hjálpa við at býta traktair út kanst tú ringja til Petur á Roykheggi, á nummar 27 40 01.

Bønarsvarið
Nýggjur táttur í "Á Bylgjulongd"

Hetta er ein áheitan til lurtarar, ið hava upplivað konkret bønarsvar og hava áhuga í at geva tað víðara. Tey kunnu skriva til okkara á lindin(at)lindin.fo ella skriva bræv til: Lindin, postsmoga 2063, 165 Argir.

ABC Barnahjálpin
Stuðla einum barni. Les meira um ABC barnahjálpina.

Stuðulssending á Lindini
Leygarkvøldið 10. februar verður stuðulssending til frama fyri børn kring heimin. Høvi verður at, stuðla barnaarbeiði í Kenya, har Jens og Malena Meitilberg eru trúðboðarar, gøtubørnum í Kiev har Jórun og Nurlan Malaikev eru virkin og børnum í Ghindari, Rumenia har Miriam og Rógvi Rasmussen arbeiða.

Sendingin verður at hoyra leygarkvøldið kl. 19.

Eg.fo
Ungdómportalur ið Barnabati skipar fyri. Tú og Eg telefonin (80 70 10) er opin mánadagar og hósdagar frá kl. 14.00 til 22.00. Vitja forvitnisligu heimasíðuna á Eg.fo.

Leinkjur, telefonnummur og tilfar úr sendingini í morgun.

Útisetin
Arbeiði millum føroyingar í Danmark hevur fingið eina heimasíðu. Heri Elttør ið er trúboðari í Danmark hevur ábyrgd av síðuni. Heri hevur telefon nummar +45 97473786, mobil. +45 27513786. Eisini kanst tú senda teldupost á e-mail herielttor(at)tele2adsl.dk heri.elttor(at)indremission.dk. Skype: heri.elttoer

Heimasíðan Útisetin.dk

Evnisskeið: Samkoman í '21 øld
Evangeliihúsið skipar fyri evnisskeiði og møti við Lene & Andreas Jørgensen. Temaið hjá teimum verður Samkoman í ’21 øld, møguleiki, avbjóðing, broyting.

Skráin fyri møtirøðina er at finna her

Vitjunartænastan hjá Reyða Krossi
Um tú ert áhugaður at gerast vitjunarvinur, kanst tú ringja til Reyða Kross á 319630 ella til Katrina Klæmintsen á 319850. Lesið meira um tænastuna her

Missiónsvika í Fuglafirði
Skráin fyri restina av vikuni:

Møtini 28. jan. – 1. febr. vera í Thabor

Hós. 19.30 Møti v/ Marjan Kass Nielsen
Sangur: Magni Christiansen
Innsavnan

 
Tiltøkini 2. – 4. febr. vera í Mentanarhúsinum
Evni: “At síggja – Jesus fyrst”

Frí. 19.00 Møti, fyrri partur. Heri Elttør tala
Sangur: Tabor-kórið á Toftum

21.30 Møti, seinni part

Leyg.09.30 Morgunmatur
10.00 Bíbliutími: “Kallið og hvat so?” um Jónas.
Heri Elttør talar

19.00 Møti, fyrri partur. Heri Elttør talar
Sangur: Ungdómskór úr Vágunum

21.30 Møti, seinni partur

24.00 Lovsangsløta, andakt o.a.

Sun. 12.00 Gudstænasta v/ altargongd
Uni Næs, prestur, prædikar

14.30 Sunnudagsskúli

18.00 Nátturði í Thabor

19.00 Møti, fyrri partur. Heri Elttør tala
Sangur: Streingjakórið í KFUM/K í Klaksvík
Innsavnan

21.30 Møti, seinni partur

Leinkjur, telefonnummur og tilfar úr sendingini í morgun.

ALV, Handil og Kaffi

Handilin hjá ALV, har kaffi, te, smoothies og køkur eru at fáa, er opin soleiðis:

mánadag til leygardag frá kl. 10.00-18.00

sunnudag frá kl. 14.00-18.00

Les meira á heimasíðuni hjá ALV

Glóðin

Tú kanst seta teg í samband við Glóðina, við at ringja á telefonnummar 280011. Les meira um Glóðina her.

Endurnýtsluhandil hjá Sudanmissiónini

Handilin liggur á Glyvravegi 32 og er opin mánadagar, mikudagar og fríggjadagar frá kl. 13.30-18.00. Um tú hevur hug at hjálpa til í handlinum, ber til at ringja til Magnhild Olsen á 44 77 74 ella á 74 77 74. Les meira um handilin og Sudanmissiónina her.