Monthly Archives: januar 2020

Lindin 20 ára føðingardagur

Lindin 20 ára føðingardagur

Niðri í Rættará, í Østrøm, hevur Lindin stuðulsdag komandi leygardag, 25. januar

Eins og á stuðulsdegnum í 2014, 2016 og 2018, verða beinleiðis samrøður millum gestir og útvarpsvertir í glasaðum ljóðrúmi. Ímillum ymsu skiftini koma bólkar og einstaklingar at framføra livandi tónleik‚ m.a. Kristina Nónklett Hansen, T.O.S., Oddbjørg Poulsen og Jákup á Lakjuni.

Ígjøgnum allan dagin verður kaffi, te og leskidrykkur saman við onkrum til ábit. Roknað verður við at mong nýta høvi at støkka inn á gólvið til eygleiðing og prát á stuðulsdegnum hjá Lindini niðri í Østrøm. Ein uppboðssøla yvir málningar ið kendu listamálararnir Sámal Toftenes, Eli Smith, Finnleif Mortensen, Maria Mørkøre, Lydia Petersen, Sirikit Jacobsen, Absalon Absalonsen, Sonja Ingolfsdóttir Jacobsen og Marita Terjadottir Højgaard hava latið til tiltakið, verður skipað seinni út á kvøldið kl. 21.00. Eisini verða nógvir og fjølbroyttir vinningar útlutaður ímillum ymsu innsløgini. Hugvekjandi barnatiltak, ið burturav, skal mynda eina serliga løtu til børnini, verður kl. 16.00 við BUBU. Vit enda dagin við einum høvuðsvinningi. Hepni vinnarin kann púra frítt velja sína ferð út í heim, frá Fonn Flog, Virði er 25.000 krónur.

Lindin byrjaði virksemi 21. januar í 2000 og eru nú 20 ár liðin síðani fyrsta sendingin varð útvarpað. Í dag røkkur sendinetið, 14 sendarar, hvønn einasta tíma í vikuni, meira enn 92% av Føroya fólki. Frá fyrsta sendidegi av, hava trúgvir stuðlar og afturvendandi stuðulsdagar, fíggja allan raksturin av Lindini. Hesin er árliga, áleið 1,6 milliónir krónur og umleið 50 fólk eru onkursvegna beinleiðis virkin og vara av í Lindini. Av hesum eru nógv tey flestu sjálvboðin og ólønt. So, niðri í Østrøm í Rættará, komandi leygardag 25. januar frá klokkan 13:00 til 23:00 leggja vit upp til ein stuðulsdag við serligum dámi og nógvum hugaligum upplivingum.

Høvið verður hjá lurtarum at tekna seg sum stuðul hjá Lindini, hækka stuðulin ella lat eina gávu. Hetta kann gerast á heimasíðuni www.lindin.fo ella við at ringja til Lindina sama dag, har fólk verður at taka telefonina. Tlf. 321377 og SMS 521377.

Vit ið varða av Lindini ynskja við hesum stuðulsdegnum at takka fyri ómetaligan og afturvendandi trúfastan stuðul gjøgnum árini og heita á teg, saman við okkum, at vera við á ferðini víðari. Eisini fara vit at nýta høvi til at bjóða nýggjum stuðlum at vera vælkomnum við. Latið okkum øll, saman, vera um tað at stuðla Lindini. Ja, latið okkum saman, framhaldandi, vera um tað at røkka út við evangeliinum, boðskapinum um Jesus Kristus.

Stuðla Lindini – 20 ár

Tú kanst gerast ein fastur stuðul hjá Lindini ella flyta eina føðingardagsgávu á niðanfyristandandi konto nr.: Viðmerk “20 ár” Betri Banki:……………… 9181 – 128.147.1 BankNordik:……………. 6460 – 498.575.5 Norðoya Sparikassi:… 9865 – 102.130.8 Suðuroyar Sparikassi: 9870 – 101.550.9 Bank Giro:……………….. 9870 – 437.113.6 Les meira

Á Bylgjulongd mánadagin 20. jan. 2020

Á Bylgjulongd mánadagin 20. jan. 2020

Fyrst er samrøða við Jóhan Petur Johannesen, í samband við at Lindin er 20 ár. Hann tosar um hvønn týdning, tað hevur, og at Lindin sendur alt samdøgri. Síðani greiðir Jonna á Sondum Estbúð frá, hvussu fólk kunnu hjálpa til á føðingardegnum hjá Lindini, sum verður í Østrøm í Havn leygardagin 25. jan. kl. 13.00-23.30… Les meira

Á Bylgjulongd hósdagin 16. jan. 2020

Á Bylgjulongd hósdagin 16. jan. 2020

Í dag hava vit vitjan av Andreas frá Open Doors. Andreas greiðir frá um felagsskapin og frá persónligum upplivingum í samband við teirra arbeiði. Heimasíðan hjá opendoors er www.opendoors.dk. Eisini hoyra vit eina andakt við Tóru við Keldu. Ynskir onkur at fáa samband við Andreas ber til at skriva í boðklivan hjá Open Doors Føroyar… Les meira

Á Bylgjulongd týsdagin 14. jan. 2020

Á Bylgjulongd týsdagin 14. jan. 2020

Fyrst er Hjørdis Háberg Petersen í studio og greiðir frá nýggja kristna eftirskúlanum Brúgvin, sum tekur fyrstu næmingarnar inn í summar. Meiri fæst at vita á heimasíðuni www.brugvin.fo. Síðani hoyra vit eina samrøðu við Aksel Kambsskarð Berg, sum í løtuni er staddur í USA, har hann vitjar eitt Pregnancy Care Center. Orð at grunda yvir:… Les meira

Á Bylgjulongd mánadagin 13. jan. 2020

Á Bylgjulongd mánadagin 13. jan. 2020

Fyrst hoyra vit Hjalmar Hansen og Synnøve av Rana greiða frá um GLS ráðstevnuna, sum verður 17.-18. jan. 2020. Les meira á www.gls.fo. Síðani er samrøða við Paula Høj, sum saman við konuni Jastrid, hava verði burtur frá samkomu arbeiði í 3. mán. í 2019. Pauli greiðir frá hvussu tað hevur verði. Tey bæði eru… Les meira

Á Bylgjulongd fríggjadagin 10. jan. 2020

Á Bylgjulongd fríggjadagin 10. jan. 2020

Fyrst hoyra vit Sólborg í Grund Bøgesvang greiða frá um Kvinnuting 2020‚ sum verður leygardagin 1. feb. 2020 í Nesvík. Les meira á her. Tilmelding á www.mission.fo/tilmelding Síðani er vitjan av Eydnu og Jan Joensen‚ sum greiða frá teirra arbeiði at bera gleðiboðskapin um Jesus fyri flóttarfólkum. Vertur: Tór Arni Samuelsen Hoyr prátið við Sólborg… Les meira

Á Bylgjulongd hósdagin 9. Jan. 2020

Á Bylgjulongd hósdagin 9. Jan. 2020

Gesturin í sendingini í dag er Ragnar Ludvig. Ragnar er ein kendur prædikumaður og hevur eisini stilla upp til løgtingsvalið. Ragnar er føddur og uppvaksin á Tvøroyri, men hevur eisini búð uttanlanda. Nú býr Ragnar í Haraldsundi, og arbeiður hjá Sjóvinnustýrinum. Ragnar hevur ein kláran og greiðan boðskap, sum hann vil fortelja fyri øllum fólkum,… Les meira

Á Bylgjulongd týsdagin 7. jan. 2020

Á Bylgjulongd týsdagin 7. jan. 2020

Fyrsti gestur í sendingini er Ann Dahl Hansen, prestur, hon tosar um andaktirnar, sum eru í Havnar kirkju hvønn hósmorgun kl. 10-10:15. Hetta varð byrjað fyri meir enn einum ári síðani og undirtøkan hevur verið góð. Síðani er vitjan av Jógvan Jacobsen, samkomuleiðari í Hebron á Argjum. Í morgun byrjaði Vissa, sum er kristin undirvísing… Les meira